2023-mi ukiup affaani siullermi avataasiorluni tunisassiuutigalugu aalisarnermi pisat
Avataasiorluni nammineq tunisassiuutigalugu 2023-mi aalisarnermi ukiup affaani siullermi pisat matumuuna kisitsisaataasivimmi takuneqarsinnaalerput. Uani pineqarput aalisariutit namminneq tunisassiorfillit, nunatta nunallu allat imartaanni aalisakkanik qalerualinnillu pisaat. Aammattaaq kisitsisaataasivimmi nunat allat aalisariutaasa nunatta imartaani ukiup affaani siullermi pisaat takuneqarsinnaanngorput.
Maluginiaqquneqarpoq avataasiorluni aalisarnermi pisatut pineqartut tassaammata nammineq aalisariummi tunisassiat, ima paasillugu; qalerallit saarulliillu kalaallit aalisariutaannit avataasiortunik aalisakkerivinnut tunisat kisitsisini ilaanngimmata, taakku tunisinermi naatsorsuutinut ilaareermata. Kinguppaat kitaata imartaani pisat qaleruaqartillugit tunisassiat pisatut matumani pineqarput.
Ukiup affaani siullermi pisat 2020-miit - 2023-mut, suussutsinut assigiinngitsunut agguarlugit
Najoqqutaq: Naatsorsueqqissaartarfik – takuuk kisitsisaataasivik https://bank.stat.gl/FIN008
Kisitsisaataasivik:
Kisitsisaataasivimmi avataasiorluni nunatta eqqaani imartanilu allani aalisarnermi pisat 2008-miit 2023-mut, takuneqarsinnaapput.
Allanik immikkut paasisaqarusuttunut allaffimmi pisortaq Lars Geraae oqarasuaat (toqqaannartoq) 34 57 87 atorlugu attavigineqarsinnaavoq.